တရေးနိုး ရင်ခုန်သံ

ရင်ခုန်သံဆိုတာ
မေ့နေတာကြာပေါ့...
သတိလာပေးတဲ့ ကောင်မလေးရေ
မင်းအရွယ်က ငယ်ပါသေးတယ်ကွာ
မင်းအတွက် အမှတ်တရပစ်မှတ်တွေက
ငါ့အတွက် မထူးဆန်းတဲ့ ဖြစ်ရပ်တွေဖြစ်နေတယ်...
စိတ်ကစားတဲ့မင်းအရွယ်နဲ့
တည်ငြိမ်စပြုနေတဲ့ ငါ့အရွယ်ကို
နားလည်ပေးလိုက်ပါကွာ...
မင်းကထွက်ပေါက်ရှာပေမယ့်
အသက်လောက် ချစ်သွားရင်ခက်ကုန်ရချေရဲ့ကွယ်...
အရွယ်ရောက်နေပေမယ့်
မရင့်ကျက်သေးတဲ့
နှလုံးသားကို
မင်းကရိပ်မိနေတော့လဲ
ငါ့အတွက်ကတော့
ပြေးသာပြေးရ ခြေလှမ်းကမသွက်
မေးသာမေးရ ရည်မှန်းတာကအခက်ပေါ့ကွာ...
အင်း...
နောက်ဆုံးတော့လည်း
မာယာကျော့ကွင်း
ကျေနပ်စွာ လဲပြိုကျခဲ့ရပေါ့...
အံကြိတ်ပြီး မာန်တင်းခဲ့တာသာ
အဖတ်တင်ခဲ့ရပေါ့
မျက်မြင်မတွေ့လိုက်လို့ တော်သေးတာပေါ့လေ..... :)

လွတ်မြောက်ရာ

ဘ၀တဲ့...
ကူးရခတ်ရတာ
ခြေကုန်လက်ပမ်းကျမှ
မောရမှန်း စသိလာတယ်...

ထွက်ပေါက်တွေ ပွင့်လိုက်
ဝင်ပေါက်တွေ ပွင့်လိုက်နဲ့
တံခါးတွေကို အခါခါဖွင့်ရင်း
လမ်းတွေလျှောက်ခဲ့တာလည်း
မရေမတွက်နိုင်အောင်ပါပဲ...

ဒါပေမယ့် နောက်ဆုံးတော့...
ဘယ်အရာကများ အဓိပ္ပါယ်ရှိလို့လဲကွယ်...

ဒီလိုနဲ့ပဲ
ဘ၀တစ်ခုကနေ တစ်ခု
ကူးရင်းသန်းရင်းနဲ့
လမ်းတစ်နေရာမှာ
နာကျင်ဆင်းရဲမှု အတိုင်းအဆကို
သိလိုက်ရတဲ့ခဏ
ရုန်းထွက်ဖို့ လမ်းစပဲ
အငမ်းမရ ရှာမိတော့တယ်...

ကံကောင်းစွာ...
သိပ်ကိုကံကောင်းစွာ...
လွတ်မြောက်ရာ တစ်နေရာက
အလင်းရောင်ဖြာကျနေတာ
သေချာမြင်လိုက်ရတယ်...

အရောက်သွားနိုင်ကောင်းပါရဲ့လို့
ရုန်းထခါမှပဲ...
ခြေကုန်လက်ပမ်းကျနေတာ သတိရတော့တယ်...

ဟိုးအဝေးကြီးက
အလင်းရောင်ကိုတော့ မြင်နေရတုန်းပါပဲ...
အင်း... ဝေးတော့ သိပ်ဝေးတယ်...
ဒါပေမယ့်... ရောက်အောင်သွားရလိမ့်မယ်...

ရွှေပြည်သူ

ဒိုင်ယာရီရဲ့ နောက်ဆုံးစာမျက်နှာ ( တာရာမင်းဝေ )

တာရာမင်းဝေ ရဲ့ မိုးခေါင်လို့ တီးတဲ့ဗုံသံ ထဲက ကဗျာလေးတစ်ပုဒ်ပါ။

ဒိုင်ယာရီရဲ့ နောက်ဆုံးစာမျက်နှာ

နှင်းစက်လက်တွဲခိုနေတဲ့
စံပယ်အိုလေးရေ..
ဒီလကွယ်ညမှာပဲ
ဆုပ်ကိုင်ထားတဲ့လက်ချောင်းတွေကို
ဖြည်ချလိုက်ပါတော့။

တချို့လူတွေက
ဘ၀မှာ ကြယ်တွေ ကြွေကျခဲ့သတဲ့
ငြိမ်သက်စွာ ခရီးနှင်ကြဦးပေါ့ကွယ်
ကိုယ့်မှာက..
နေတွေ လတွေတောင် ကြွေကျခဲ့ဖူးပါတယ်။

သွားတော့မယ်နော်..
ကံကြုံရင် ပြန်ဆုံကြဦးမှာပေါ့လို့
ကံမကောင်းသူတို့ရဲ့
မှိုင်းညို့သောလမ်းခွဲ
ကျောက်စရစ်ခဲတွေ အပြိုင်းအရိုင်း လွင့်ကြဲနေတယ်။

ဘာဖြစ်ဖြစ် ကိုယ့်အပြစ်ပါပဲ
လေရိုင်းတွေ ၀ိုင်းဝန်းကိုက်ခဲကြတဲ့
မီးလျှံစတစ်ခုလို ပြာညိုယိမ်းထိုး
ပြက္ခဒိန်မှာတော့
နက်ဖြန်ခါဟာ နာမည်ဆိုး မရှိပါဘူး။

ဒါပေမယ့်
လွမ်းဆွတ်နေသူ တစ်ယောက်ရဲ့
ကြောက်မက်ဖွယ်ရာ အိပ်မက်များ
နှင်းဆီချွေ ရထားမှာ
စူးစူးဝါးဝါး ဥသြဆွဲပစ်လိုက်တယ်။

ဒီည.
နောက်ည..
ဘယ်လိုမှ နိဂုံး ချုပ်မရပါဘူး
ဘီလူးဖမ်းသလို ကြမ်းတဲ့ လင်္ကာ
ငှက်ဆိုးတွေအိပ်မှ
တိတ်တဆိတ် ကိုယ်ရေးလိုက်ပါတယ်။

ပျော်ခွင့်မပိုင်သော
ဒိုင်ယာရီ၏ နောက်ဆုံး စာမျက်နှာ ထက်၌
နတ်သူရူးတွေ ကြဲပက်တဲ့
ကောင်းကင်ဘုံ အက်ဆစ်တစ်စက်လို
ရှအက်ကြေကွဲ
ရှ...အက်...ကြေ...ကွဲ
မင်နီတွေနဲ့ ရဲ လို့ပေါ့ကွယ်။

တစ်ကိုယ်တော်

ဘ၀ကို တစ်ခါတစ်ခါအပေါ်စီးက ငုံ့ကြည့်ရတော့လည်းသိပ်မဆိုးလှဘူးလို့ ထင်လာတယ်။ဖျားနာမှုကိုမှ မစားသောက်ရင် တစ်နေ့တစ်နေ့ ဘာလုပ်ရမှာလဲ။ မြစ်ဘေးက သစ်ပင်လို သူများတွေ စီးဆင်းနေတာကိုပဲ ငေးကြည့်နေချင်ရဲ့။ဒါမှမဟုတ် ပိုက်ဆံ တတ်နိုင်တဲ့အခါကျရင် ရောဂါတစ်ခုခုရဲ့ နာမည် ကို ၀ယ်ယူပြီး ကိုယ့်ကိုယ်ကို စိတ်ပူကြည့်နေချင်တယ်။ လူတွေက တစ်ခါတစ်ခါလဆန်းလိုက် တစ်ခါတစ်ခါ လဆုတ်လိုက်နဲ့ သူတို့ရဲ့စိတ်ဒီရေက အတက်အကျ ရှုပ်လွန်းတော့လည်း (ကိုယ့်သင်္ဘောကိုယ်) ဘယ်လို ခုတ်မောင်းရမှန်း မသိတော့ပြန်ဘူး။ ချော်လဲရောထိုင် ကြေကွဲတတ်သူတွေ မလာရ ငါ့ ဈပနကို ငါတစ်ယောက်တည်းချမယ်။ လောလောဆယ်မှာ လိုလိုမည်မည် ငါစဉ်းစားကြည့်နေမိတာကတော့ အခုတည်ခင်းတဲ့ ညစာကို နာမည် ဘယ်လိုပေးရင်ကောင်းမလဲဆိုတာကိုပဲ။မင်းခိုက်စိုးစံ